नेभिगेशन
सुरक्षा अपडेट

मोटरसाइकल दुर्घटनामा श्रीमान् श्रीमतीको मृत्यु

काठमाडौं मोटरसाइकल दुर्घटनामा श्रीमान् श्रीमतीको मृत्यु भएको छ। जिल्ला ट्राफिक प्रहरी कार्यालय मोरङले दिएको जानकारी अनुसार मोरङको रतुवामाइमा मोटरसाइकल दुर्घटना हुँदा श्रीमान् श्रीमतीको मृत्यु भएको हो।

गए राति १० बजे जिल्लास्थित रतुवामाई नगरपालिका-६ त्रिभुवन चोकस्थित आमबारीको सडकमा को ९ प ७२९५ नम्बरको मोटरसाइकल दुर्घटना हुँदा मोटरसाइकल चालक रतुवामाइ-१ कल्याणपुरका ४२ वर्षीय श्रीमान् सोम टुडू र उनकी  पत्नी ३५ वर्षीया वामनी हेमरामको मृत्यु भएको हो ट्राफिक प्रहरीले जानकारी दिएको छ।

उक्त मोटरसाइकल आमबारीबाट उर्लाबारीतर्फ जाँदै   आफैं अनियन्त्रित भएर बिजुलीको पोलमा ठोक्किँएर दुर्घटना भएको थियो।

दुर्घटनामा गम्भीर घाइते दुबैलाई उपचारका लागि रंगेली अस्पताल लगिए पनि अस्पतालमा उपचारका क्रममा  उनीहरुको मृत्यु भएको मोरङ ट्राफिक प्रहरीले जनाएको छ। 

 

 

प्रकाशित मिति:
प्रतिक्रिया दिनुहोस्