सशस्त्र प्रहरीले फेला पर्‍यो १३ दिन अघि हिमपहिरोमा बेपत्ता भएका चिनीयाँ नागरिकको शव

पोखरा ।  कास्की जिल्लाको अन्नपूर्ण गाउँपालिका–११ देउराली स्थित चुम्रुङमाको हिम पहिरोमा बेपत्ता भएका चिनीय नागरिकको शव सशस्त्र प्रहरीले चैत्र २३ गते फेला पारेको छ ।

अन्नपूर्ण वेशक्याम्पबाट घान्द्रुकतर्फ आउँदै गरेका चिनीया नागरिक २८ वर्षीय का ई चेङ्गयुङ यही चैत्र ११ गते सम्पर्क बिहिन भएका थिए  सम्पर्कविहीन भए लगत्तै उनको खोजीकार्यमा परिचालित सशस्त्र प्रहरी बल नेपाल नं. २४ कालिका गण कास्कीबाट विपद् व्यवस्थानसहितको सुरक्षा फौजले उनको शव आज दिउँसो  साढे १२ बजे फेला पारेको सशस्त्र प्रहरी प्रधान कार्यालयले जनाएको छ।

त्यसैगरी तनहुँ जिल्लाको आबुखैरेनी गाउँपालिका–१ बरादीस्थित मस्र्याङ्दी नदिमा चैत्र २२ गते बेपत्ता भएका युवकको खोजीकार्य भइरहेको सशस्त्र प्रहरीले जानकारी दिएको छ।  जिल्लाको शुक्लागण्डकी नगरपालिका–५ बस्ने अन्दाजी २० वर्षीय आशिष राना सोही नदिमा डुवेर बेपत्ता भएका छन् ।

बेपत्ता आशिष रानाको खोजीकार्यको लागि सशस्त्र प्रहरी बल नेपाल विपद् व्यवस्थापन तालिम शिक्षालय कुरिनटारबाट गोताखोर र नं. २३ मनकामना गण तनहुँबाट सशस्त्र प्रहरी निरीक्षकको कमाण्डमा सुरक्षा फौज परिचालन भएको सशस्त्र प्रहरी प्रधान कार्यालयले जनाएको छ।