शिकार खेल्न गएका दुई जना तीन थान बन्दुकसहित पक्राउ, एक जना फरार

काठमाडौं । प्रहरीले दुई जनालाई तीन नाल बन्दुकसहित पक्राउ गरेको छ। मोरङको केराबारीबाट प्रहरीले वन्यजन्तु चोरी शिकारमा संलग्न रहेको समूहका दुई जनालाई तीन नाल बन्दुकसहित पक्राउ गरेको हो ।

प्रहरीले दिएको जानकारी अनुसार केराबारी गाउँपालिक-८  आमजुंगी सामुदायिक वनमा शिकार गर्न गएको बेलामा केराबारी-८ कै ४४ वर्षीय मणिराज याक्खा र ३४ वर्षीय डिल्लीकुमार कार्कीलाई पक्राउ परेका गरिएको थियो।

शिकार खेल्न उनीहरुसँगै गएका केराबारी-८ का ३५ वर्षीय धनबहादुर लिम्बू फरार रहेको प्रहरीले जानकारी दिएको छ।

पक्राउ परेका दुईजनाविरुद्ध प्रहरीले हातहतियार खरखजाना मुद्दा चलाउने तयारी गरेको छ भने फरार रहेका धनबहादुरको खोजी गरिरहेको जानकारी दिएको छ।