दुई बालिकालाई बलात्कार गरेको आरोपमा २४ र २५ वर्षीय युवक पक्राउ

काठमाडौं । प्रहरीले बलात्कार आरोपमा दुई जनालाई पक्राउ गरेको छ। १६ वर्षीया बालिकालाई बलात्कार गरेको आरोप प्रहरीले संखुवासभाबाट एक युवकलाई पक्राउ गरेको छ।

पक्राउ पर्नेमा जिल्लाको खाँदबारी नगरपालिका-८ बस्ने २५ वर्षीय नवराज कट्टेल रहेको प्रहरीले जानकारी दिएको छ। कट्टेलले ती बालिकालाई बलात्कार गरेको गरेको भन्ने उजुरीको आधारमा जिल्ला प्रहरी कार्यालय संखुवासभाबाट खटिएको प्रहरीले उनलाई पक्राउ गरेको हो । 

त्यसैगरी प्रहरीले कैलालीमा  १३ वर्षीया बालिकालाई बलात्कार गरेको आरोपमा धनगढी उपमहानगरपालिका-२ कृष्णनगर बस्ने  २४ वर्षीय शिवम साहलाई गए राति प्रहरीले पक्राउ गरेको छ ।

साहले ती बालिकालाई बलात्कार  गरेको भन्ने उजुरीको आधारमा अस्थायी प्रहरी पोष्ट बिशालनगरबाट खटिएको प्रहरीले उनलाई पक्राउ गरेको हो ।