आज बल्खुमा राप्रपाको प्रदर्शन, यसरी मिलाइएको छ ट्राफिक व्यवस्थापन

काठमाडौँ । आज काठमाडौँमा राष्ट्रिय प्रजातन्त्र पार्टी राप्रपाले  शक्ति प्रदर्शन गर्दैछ । राप्रपाले विरोध सभा गर्नका लागि बल्खु क्षेत्र ठाउँ पाएको छ । यसअघि भृकुटीमण्डपमा ठाउँ खोजेको भए पनि सरकारले सुरक्षा दिन नसकिने जनाएर बल्खु वा सिफल रोज्न भनेको थियो । 

माइतीघर मण्डलादेखि वरिपरि निरन्तर धर्ना कार्यक्रम भइरहँदा राप्रपालाई भृकुटीमण्डपमा स्थान नदिइएको हो । यसअघि गत चैत १५ गते तीनकुनेमा शान्तिपूर्ण आन्दोलन गर्ने भनिए पनि उक्त आन्दोलन हिंसात्मक बन्न पुगेपछि त्यसलाईसमेत ध्यानमा राखेर राप्रपालाई अन्यत्र विरोध सभा गर्न भनिएको हो । 

सो अनुसार राप्रपाले बल्खु रोजेको हो । राप्रपाले विभिन्न स्थानबाट र्‍याली निकालेर बल्खुमा विरोध सभा गर्ने तयारी छ गरेको छ । आज कुनै पनि हिंसात्मक घटना नहोस् भनी सुरक्षा सजगता अपनाइएको बताइएको छ । 

कसरी मिलाएको छ ट्राफिक प्रहरीले  ट्राफिक व्यवस्थापन

एउटा सानो जुलुस निस्कँदा त ट्राफिक व्यवस्थापन अस्तव्यस्त हुने काठमाडौँमा राप्रपाले गर्न लागेको विरोधका कारण ट्राफिक व्यवस्थापन मिलाउन सकस नै हुनेछ । किनकि चक्रपथ नै छुने भएपछि त्यसले जनततै असर पार्नेछ । 

तैपनि उपत्यका ट्राफिक कार्यालयले राप्रपाको उक्त विरोध प्रदर्शन अनि निरन्तर हुँदै आएका शिक्षकको धर्ना, चिकित्सकहरुको धर्ना, सहकारी, मिटरव्याजसहित वित्तीय पीडितहरुको धर्नालाईसमेत मध्यनजर गर्दै ट्राफिक व्यवस्थापन गरेको जनाएको छ ।

सूचना नै जारी गर्दै ट्राफिक प्रहरीले यसरी डाइभर्सनको व्यवस्था मिलाएको जनाएको छ –

डाइभर्सन गरिने मुख्य स्थानहरु:

- खसीबजार –  मकालु - कलंकी चोक -  बाफल

-बल्खु चोक- कुलेश्वर-कालीमाटी चोक- टेकु

- कीर्तिपुर- सुन्दरीघाट- सानेपा- एकान्तकुना

आवश्यक परेमा थप गरिने डाइभर्सन प्वाइन्टहरु

- त्रिपुरेश्वर,बालाजु, हलचोक, नैकाप, सितापाइला,

चोभार, फर्पिङ, नख्खु दोबाटो र कोटेश्वर ।

कार्यक्रममा सहभागी हुन सवारी साधन लिएर आउने व्यक्तिहरुले

पार्किङ्ग गर्ने स्थानहरु: 

 टीयू गेटदेखि चोभार सडक

 सानेपा करिडोर सडक (दुवैतर्फ)

 चोभार सुख्खा बन्दरगाह

 नयाँ बसपार्क

- सितापाईला - बाफल सडक खण्डमा एक लाइन ।

उपत्यका ट्राफिक प्रहरी कार्यालयले कार्यक्रम हुने स्थान हुँदै चल्ने सवारी साधनका चालकले अन्य वैकल्पिक मार्गको प्रयोग गर्नसमेत अनुरोध गरेको छ ।