मानव बेचबिखन मुद्दाका फरार प्रतिवादी पक्राउ

काठमाडौं। प्रहरीले मानव बेचबिखन तथा ओसारपसार मुद्दाका फरार प्रतिवादीलाई प्रहरीले पक्राउ गरेको छ।  प्रहरीले गोरखा नगरपालिका-११ घर भएका २१ वर्षीय निरज ढकाललाई पक्राउ गरेको हो। 

जिल्ला अदालत काठमाडौंको गत मंसिर ५ गतेको फैसलाबाट ५ वर्ष कैद सजाय र नगद २५ हजार रूपैयाँ जरिवाना ठहर भई फरार रहेका उनलाई मानव बेचबिखन ब्यूरो बबरमहलबाट खटिएको प्रहरीले जिल्ला प्रहरी कार्यालय गोरखासँगको समन्वयमा गोरखा नगरपालिका-११ बाट पक्राउ गरेको प्रहरी प्रधान कार्यालयले जानकारी दिएको छ।

उनलाई फैसला कार्यान्वयनको लागि जिल्ला अदालत काठमाडौंमा पेश गरिएकोमा अदालतको आदेशले कैद भुक्तानको लागि कारागार कार्यालय डिल्लीबजार पठाइएको प्रहरीले जनाएको छ।