दुर्गा प्रसाईंका अंगरक्षक खड्का पनि पक्राउ

काठमाडौं । चैत १५ गते काठमाडौंको तीनकुनेमा भएको हिंसात्मक प्रदर्शनमा संलग्न रही राज्यविरूद्ध तथा संगठित अपराधसम्बन्धी कसुरमा प्रसाईं फरार रहेका दुर्गा प्रसाईंलाई पक्राउ गरे लगत्तै उनका अंगरक्षकलाई पनि प्रहरीले पक्राउ गरेको छ।

प्रहरीले प्रसाईंका  अंगरक्षक दीपक खड्कालाई झापाको भद्रपुरबाट नियन्त्रणमा लिएको जनाएको छ।

प्रहरी प्रधान कार्यालयले एक विज्ञप्ति जारी गर्दै प्रसाईं र खड्कालाई झापाको भद्रपुरबाट नियन्त्रणमा लिई आवश्यक अनुसन्धानका लागि काठमाडौं ल्याइँदै गरेको जनाएको छ।

प्रसाईंलाई भारतको असामबाट भारतीय प्रहरीको सहयोग पक्राउ गरेर झापा हुँदै काठमाडौं ल्याउन लागेको  प्रहरी प्रधान कार्यालयले जानकारी दिएको छ।