राप्तीसोनारीमा माछा मार्न गएकी युवतीको राप्ती नदीमा डुबेर मृत्यु

नेपालगन्ज । बाँकेको राप्ती नदीमा डुबेर एक युवतीको मृत्यु भएको छ।

राप्तीसोनारी गाउँपालिका-३ स्थिर सिनावासमा आज  राप्ती नदीमा माछा क्रममा डुबेर सोही वडाकै १८ वर्षीय दिक्षिका चौधरीकोको मृत्यु भएको वडा नम्बर ३ का वडाध्यक्ष मीनकुमार चौधरीले जानकारी दिएका छन्।

अध्यक्ष थारुका अनुसार गाउँकै अन्य महिलाहरुसँग राप्ती नदीमा माछा मार्न गएको बेला दिक्षिकाको नदीमा डुबेर मृत्यु भएको हो। माछा मार्न गएका ११ जना महिलाहरु पनि नदीमा दिक्षिकासँगै डुबेका थिए । तर, अरु ११ जना महिलाको सकुशल उद्दार हुँदा दिक्षिका पानीमा डुबेको स्थानीयहरुले बताए।

दिक्षिकाको शवलाई नदीबाट १ घन्टापछि स्थानीय र प्रहरीको सहयोगमा निकालिएको वडाध्यक्ष थारुले बताए। मृतक दिक्षिकाको शवलाई पोष्टमार्टमको लागी भेरी अस्पताल नेपालगन्ज पठाइएको प्रहरीले जानकारी दिएको छ ।