ट्याक्टर दुर्घटनामा वडा सदस्यसहित दुई जनाको मृत्यु

काठमाडौं । ट्याक्टर दुर्घटनामा वडा सदस्यसहित दुई जनाको मृत्यु भएको छ। 

भोजपुर जिल्लास्थित भोजपुर नगरपालिका-५ बोखिमबाट गोबर मल लिएर जाँदै गरेको  प्रदेश १–०२–००३ त ११२४ नम्बरको ट्याक्टर दुर्घटना हुँदा ५२ वर्षीय वडा सदस्य  निरप्रसाद फुयाँल र सोही ठाउँका ५५ वर्षीय भक्तबहादुर थापाको मृत्यु भएको प्रहरीले जानकारी दिएको छ।

उक्त ट्याक्टर भोजपुर नगरपालिका-३ सेतीबगरमा गए राति दुर्घटना भएको प्रहरीले जनाएको छ। मृतक फुयाँल  भोजपुर नगरपालिका-५ का वडा सदस्य थिए।

प्रहरीले ट्याक्टर र चालकलाई नियन्त्रणमा घटनाबारे थप अनुसन्धान सुरु गरेको जानकारी दिएको छ।