वीरगञ्जको कर्फ्यू १२ घण्टा लम्बियो

वीरगञ्ज।  पर्साको वीरगञ्जमा लगाइएको कर्फ्यू लम्बिएको छ।

वीरगञ्जमा शनिबार साँझदेखि लगाइएको कर्फ्यु आदेश थप १२ घण्टाका लागि लम्बाइएको हो। शनिबार दुई समुदायबिच भएको झडपले उग्र रूप लिएपछि जिल्ला प्रशासन कार्यालयले शनिबारदेखि कर्फ्यु आदेश जारी गरेको थियो ।

आज बिहान बसेको सर्वदलीय बैठकमा कर्फ्युलाई निरन्तरता राख्ने भनि आएको सुझावअनुसार राति १२ बजेसम्मलाई बढाइएको जिल्ला प्रशासन कार्यालय पर्साले जानकारी दिएको छ।

शनिबार हनुमान जयन्तीको शोभायात्रा निकाल्ने क्रममा छप्कैया चोकमा दुई समुदायबीच झडप भएपछि अवस्था तनावग्रस्त बनेपछि कर्फ्यू लगाइएको थियो।