ब्रेक फेल भएर जीप दुर्घटनामा ३ जना घाइते

दाङ । गुल्मीको कालीगण्डकी गाउँपालिकामा जीप दुर्घटना हुँदा तीन जना घाईते भएका छन ।जिल्लाको सत्यवती गाउँपालिकाबाट कालीगण्डकीको पुर्तीघाटतर्फ जाँदै गरेको लु ३ च ६४५६ नम्बरको जीप गएराती कालीगण्डकी-४ सैरेनी स्थित भित्री सडक खण्डमा दुर्घटना भएको हो ।

दुर्घटनामा कालीगण्डकी गाउँपालिका –५ फोक्सिङ्का ४१ वर्षीय क्षेत्र बहादुर थापा, १६ वर्षीय दिपेन्द्र राना र २२ वर्षीय कृष्ण राना घाईते भएकोे जिल्ला प्रहरी कार्यालय गुल्मीले जनाएको छ ।

जीप अचानक ब्रेक फेलभई भित्तामा ठोक्किँदा जीप चालक सहित पाँच जना मध्य तीन जना घाईते भएका थिए ।

घाईतेहरुलाई उपचारका लागि रातीनै मिसन अस्पताल तानसेन पाल्पामा पठाईएको वडाध्यक्ष होम बहादुर थापाले जनाकारी दिएका छन ।

घटनाको जानकारी पाएपछि रातीनै पुर्तिघाटबाट प्रहरी टोली घटनास्थल पुगि घाईतेहरुको उद्धार गरेको प्रहरी नायब उपरीक्षक गंगाबहादुर सारुले बताए ।