मोटरसाइकलको ठक्करबाट महिलाको मृत्यु

काठमाडौं ।  मोटरसाइकको ठक्करबाट एक जनाको मृत्यु भएको छ।

मकवानपुरको मनहरी गाउँपालिका-७ लच्काको पूर्व-पश्चिम राजमार्ग खण्डमा मनहरीबाट सुनाचुरी जाँदै गरेको नम्बर नखुलेको मोटरसाइकलको ठक्करबाट अन्दाजी ६० वर्षीया महिलाको मृत्यु भएको प्रहरीले जानकारी दिएको छ।

प्रहरीका अनुसार ठक्करपछि गम्भीर घाइते भएकी ती महिलालाई उद्धार गरी उपचारका लागि मनहरी अस्पताल पठाए पनि त्यहा उपचार सम्भव नभएपछि हेटौडा अस्पताल पुर्‍याएकोमा गए राति पौने १०  उपचारका क्रममा मृत्यु भएको हो।

प्रहरीले मोटरसाइकल चालक मकवानपुरको मनहरी गाउँपालिका-६ प्रतापुरका ३२ वर्षीय मन्सु गुरूङलाई नियन्त्रणमा लिएको जिल्ला प्रहरी कार्यालय मकवानपुरले जानकारी दिएको छ।