वरिष्ठ सईमा बढुवा भएका भट्टलाई बर्दियाका एसपी खनालद्वारा दर्ज्यानी चिन्ह प्रदान

बर्दिया । प्रहरी नायब निरीक्षक (सई) बाट प्रहरी वरिष्ठ नायब निरीक्षक (वरिष्ठ सई) मा बढुवा भएका एक जना प्रहरी कर्मचारीलाई बर्दियाका एसपी केदार खनालले दर्ज्यानी चिन्ह प्रदान गरेका छन्।

जिल्ला प्रहरी कार्यालय बर्दियामा आयोजित दर्ज्यानी चिन्ह प्रदान कार्यक्रममा एसपी खनालले वरिष्ठ सईमा बढुवा भएका जय प्रकाश भट्टलाई बधाई दिदै संगठनले दिएको काम कर्तव्यलाई जिम्मेवारीपूर्वक सम्पन्न गर्न निर्देशन दिएको जिल्ला प्रहरी कार्यालय बर्दियाले जानकारी दिएको छ। 

दर्ज्यानी चिन्ह प्रदान कार्यक्रममा जिल्लाका सिनियर प्रहरी अधिकृत,जुनियर प्रहरी अधिकृत तथा अन्य प्रहरी कर्मचारीहरुको उपस्थिति रहेको थियो।