बारा सशस्त्र प्रहरीका एसपीको किन गरिदैछ बदनाम? तस्करीविरुद्ध कडाइ गरेपछि आत्तिदै तस्कर

बारा। बारास्थित सशस्त्र प्रहरी बलका गणपति एसपी खुम केसीलाई विभिन्न तवरले बदनाम गर्ने प्रयास गरिएको छ। 

बारा जिल्लाभरको सीमा सुरक्षा,आन्तरिक सुरक्षा तथा अवैध ओसारपसारविरुद्ध अहोरात्र खटिदै आएका सशस्त्र प्रहरी बल नं.१२ गणका एसपीलाई केही अवैध ओसारपसार पर्ने गिरोहले पत्रकारलाई नै आफूले भनेको नमानेको हुँदा विरुद्धमा समाचार लेखिदिन भन्दै पत्रकारलाई हारगुहार गरेको सुरक्षा खबरले प्रमाण फेला पारेको छ।

एक जना अवैध ओसारपसार गर्नेले पत्रकारलाई सशस्त्रका एसपीले आफू ले भनेको नमानेको भन्दै एसपीको विरुद्धमा समाचार लेख्ने भन्छन् तर ती पत्रकारले उक्त व्यक्तिलाई झपारेको पाइएको छ। गत फागुन १ गते बाराको कमान्ड सम्हालेयता हालसम्म साढे ३ करोड रुपैयाँ बढीको अवैध सामाग्री बरामद गरिसकेका छन् ।

राज्यले दिएको जिम्मेवारीलाई इमानदारीपूर्वक ढंगबाट कार्य गर्दै आएका एसपीले सीमा नाकामा कडाइ गरेपछि सीमापारबाट अवैध ओसारपसार गर्नेहरु तनाबमा परेपछि त्यस्ता कार्यमा लाग्नेहरु आत्तिएर एसपी केसीलाई बदनाम गर्ने उदेश्यले गलत समाचार प्रकाशित गर्न आग्रह गर्दै आएको पाइएको हो।

सशस्त्र प्रहरी संगठनमा एक अब्बल अधिकृतका रुपमा चिनिने एसपी केसी नडगमाई संगठनले दिएको जिल्ला कमान्डको जिम्मेवारीलाई निर्धक्कका साथ पूरा गर्न लागिपरेको अवस्थामा गलत गर्नेहरुले उनलाई बदनाम गराउने षड्यन्त्र गर्दै आइरहेका छन् ।

आखिर किन गर्न खोजिदैछ एसपी केसीलाई बदनाम ? अवैध तस्करीविरुद्ध धावा बोल्नु के एसपीको गल्ती हो? 

फेला परेको प्रमाणको अडियो अर्को भागमा सुरक्षा खबरले राख्ने जानकारी समेत गराइन्छ।