१ सय ७७ किलो गाँजा र ठुलो परिमाणको भिटामिनसहित ३ जना सशस्त्र प्रहरीको नियन्त्रणमा

काठमाडौं । सशस्त्र प्रहरीले १ क्विन्टल ७७ किलो गाँजासहित दुई जनालाई पक्राउ गरेको छ।

सुनसरीस्थित बराहक्षेत्र नगरपालिका–१ बराहक्षेत्र मन्दिर नजिकैबाट करीव १ सय ७७ किलो (१ क्विन्टल ७७ किलो) गाँजासहित  सोही ठाउँका सिलमारा बस्ने ३० बर्षिय दिपक राई र धनकुटा जिल्लाको शहिदभूमिका गाउँपालिका–१ छिन्ताङ्ग बस्ने ५७ वर्षिय धन बहादुर राईलाई आज सशस्त्र प्रहरीले पक्राउ गरेको जानकारी दिएको छ।

सशस्त्र प्रहरी प्रधान कार्यालयका अनुसार उनीहरुलाई सशस्त्र प्रहरी बल नेपाल सुरक्षा बेश चतराबाट खटिएको टोलीले  गाँजासहित नियन्त्रणमा लिएको थियो ।
गाँजासहित पक्राउ परेका दुबै जनालाई आवश्यक अनुसन्धानको लागि सम्बन्धित निकायमा बुझाइएको सशस्त्र प्रहरी प्रधान कार्यालयले जनाएको छ।

ठुलो परिमाणम भिटामिन बरामद 

सशस्त्र प्रहरीले पर्साको वीरगन्जबाट NUTRI–CURE  नामक भिटामिनसहित एक जनालाई नियन्त्रणमा लिएको छ। सशस्त्र प्रहरीले  

वीरगन्ज महानगरपालिका–२४ स्थित रामगढवाबाट बैशाख आज करीब ९ लाख ६० हजार रुपैयाँ बराबरको भिटामिनसहित सोही महानगरपालिका–२५ सिर्सिया बस्ने ३६ बर्षिय अमृत साह कानुलाई प्रस्तावित सीमा सुरक्षा गुल्म वीरगंजको सुरक्षा फौजले आह नियन्त्रणमा लिएको  सशस्त्र प्रहरी प्रधान कार्यालयले जानकारी दिएको छ।

सशस्त्र प्रहरी प्रधान कार्यालयका अनुसार ना २ स १०१७ नम्बरको अटोमा भारतबाट नेपालतर्फ ल्याउँदै गरेको उनीहरुको साथबाट Lycopene With Multivitamin and Multiminerals Capsule NUTRI–CURE ४ हजार ८ सय वटा र दुई थान मोटारसाईकल समेत नियन्णमा लिइएको हो । अटो र मोटरसाइकलको भन्सार दाखिला मुल्य ६ लाख कायम गरिएको सशस्त्र प्रहरीले जानकारी दिएको  ।

पक्राउ परेका अमृतसँगै बरामद गरिएको भिटामिन र सवारीसाधनसहित आवश्यक कारवाहीको लागि वीरगन्ज भन्सार कार्यालय पठाइएको सशस्त्र प्रहरीले जनाएको छ।