बाराबाट श्रोत नखुलेको लाखौं रुपैयाँसहित दुई भारतीय र लाखौंको अवैध सामाग्री सशस्त्र प्रहरीको नियन्त्रणमा

बारा। सशस्त्र प्रहरीले बाराबाट श्रोत नखुलेको झण्डै  पौने ४ लाख नेपाली रुपैयाँसहित दुई जना भारतीय युवकलाई नियन्त्रणमा लिएको छ। 

सशस्त्र प्रहरी बल नं.१२ गणका प्रमुख एसपी खुम केसीका अनुसार बीआर २२ आर २८०९ नम्बरको भारतीय    मोटरसाइकल सवार भारतको मोतीहारी पुर्वी चम्पारण जिल्लास्थित उत्तरी घोडासन ग्राम पन्चायत-१३ लैन गाँउ बस्ने १९ वर्षीय गोलु कुमार जैसवाल र सोही स्थानका २१ वर्षीय राजन कुमार जैसवालको सातबाट ३ लाख ७२ हजार नेपाली रुपैयाँ सशस्त्र प्रहरीले बरामद गरेको हो।

शुक्रबार दिउँसो बारा सिम्रौनगढ नगरपालिका-६ अमरपुर )  विओपी गोलागंजबाट  सशस्त्र प्रहरीका इन्स्पेक्टर ईश्‍वर कार्कीको कमाण्डमा खटिएको टोलीले उनीहरुलाई चेकजाँच गर्ने क्रममा उक्त रकम फेला पारेको एसपीले जानकारी दिएका छन् ।

एसपीका केसीआ अनुसार बरामद गरिएको ३ लाख ७२ हजार  र उनीहरु सवार मोटरसाइकलको अन्दाजी मूल्य १ लाख ४९ हजार गरी ५ लाख २१ हजार रुपैयाँ दाखिला गरेर आबश्यक कारबाहीका लागि भन्सार कार्यालयमा बुझाइएको हो।

त्यसैगरी बाराबाट सशस्त्र प्रहरीले अवैध तस्करी गरेर ल्याउदै गरिएको विभिन्न किसिमका अवैध सामाग्री बरामद गरेको छ। एसपी केसीले दिएको जानकारी अनुसार बरामद गरिएका अवैध सामाग्रीको मूल्य ४ लाख ७९ हजार रुपैयाँ बराबरको रहेको छ।

सशस्त्र प्रहरीले बरामद गरिएका सबै अवैध सामाग्री, नगदसहित पक्राउ परेका दुई जना र मोटरसाइकललाई शुक्रबार साँझ भन्सार कार्यालयमा पठाएको सशस्त्र प्रहरी बाराले जानकारी दिएको छ।