एक लाख घुससहित जेलर अख्तियारको नियन्त्रणमा

परासी । अख्तियार दुरुपयोग अनुसन्धान आयोगले १ लाख रुपैयाँ घुससहित कारागारका जेलरलाई पक्राउ गरेको छ।

काठमाडौंको टंगालबाट गएको अख्तियारको टोलीले पश्चिम नवलपरासी कारागारका जेलर विनोद कुमार दत्तलाई १ लाख रुपैयाँ घुससहित पक्राउ गरेको जनाएको छ।

जेलर दत्तले कारागारको सेवा सुविधा दिन सहजीकरण गर्ने भन्दै १ लाख रुपैयाँ घुस मागेको उजुरीका आधारमा आज दत्तलाई उनकै निवासबाट पक्राउ गरिएको अख्तियारले जानकारी दिएको छ।

उनको साथबाट श्रोत नखुलेको थप ५० हजार रुपैयाँ पनि अख्तियारले बरामद गरेको जनाएको छ।