रुपन्देहीमा बस दुर्घटना हुँदा ८ जना घाइते

रुपन्देही । बस दुर्घटना हुँदा ८ जना घाइते भएका छन् । आज बिहान रुपन्देहीको तिलोत्तमा-२ स्थित शंकरनगरमा बस दुर्घटना हुँदा ८ जना घाइते भएको प्रहरीले जनाएको छ।

रुपन्देही प्रहरीका अनुसार बुटवल हुँदै भैरहवा जाँदै गरेको लु२ख २७९२ नम्बरको बस अनियन्त्रित भएर पल्टिदा बसमा सवार ८ जना घाइते भएका हुन् ।

घाइतेहरु मध्ये एक जना बाहेक अरु सबैको अवस्था सामान्य रहेको रुपन्देही प्रहरीले जानकारी दिएको छ। बसमा सवार अन्य ८ जना सकुशल रहेको प्रहरीले जनाएको छ।गम्भीर घाइते बसका सहचालक हुन् ।

बस चालकलाई नियन्त्रणमा लिएर प्रहरीले थप अनुसन्धान गरिरहेको जनाएको छ।