रोल्पामा मिनी ट्रक भीरबाट खस्यो, चालकको घटनास्थलमै मृत्यु

रोल्पा । रोल्पामा मिनी ट्रक दुर्घटना हुँदा चालकको मृत्यु भएको छ। जिल्ला प्रहरी कार्यालयका अनुसार दुर्घटनामा चालकको घटनास्थलमा मृत्यु भएको हो।

रोल्पाको रुन्टीगढी गाउँपालिका-६ स्यालामा तरकारी लिएर फर्किदै गरेको रा१ख २१३१ नम्बरको मिनी ट्रक गए राति साढे ११ बजे  भीरबाट ६०-७० मिटर तल खसेर भीरमा अड्किएर पूूर्ण रुपमा क्षति भएको प्रहरीले जनाएको छ।

दुर्घटनामा मृत्यु हुने चालक सोही गाउँपालिका-६ कै निगालपानीका ३३ वर्षीय महेश थापा रहेको रोल्पा प्रहरीले जानकारी दिएको छ।

प्रहरीले रातिको समयमा दुर्घटना भएको र चालकको समेत मृत्यु भएका कारण दुर्घटनाको एकिन कारण अझै खुल्न नसकेको रोल्पा प्रहरीले जानकारी दिएको छ। घटनाका बारेमा थप अनुसन्धान भइरहेको प्रहरीले बताएको छ।