गुडिरहेको बसमा माथिबाट खसेको ढुङ्गाले लागेर बस चालकको मृत्यु

चितवन । गुडिरहेको बसमा माथिबाट ठुलो ढुङ्गा खसेर चालकको मृत्यु भएको छ।

चितवनस्थित नारायणगढ-मुग्लिन सडकखण्डको भरतपुर-२९ १७ किलोमा पहाडबाट माथिबाट खसेको ठुलो ढुंगा लागेर बस चालकको मृत्यु भएको चितवन प्रहरीले जानकारी दिएको छ।

प्रहरीका अनुसार बुटवलबाट काठमाडौं जाँदै गरेको लु२ख ६५६६ नम्बरको बसका चालक नवलपरासीस्थित सुनवल नगरपालिका-४ का ३६ वर्षीय मेघनाथ विकको मृत्यु भएको हो।

माथिबाट खसेको ढुंगा लागेर गम्भीर घाइते चालक विकको  चितवन मेडिकल कलेजमा उपचारका क्रममा आज बिहान मृत्यु भएको हो ।