ह्वाटसएपबाट ५ लाख ठगी गर्ने आस्था पक्राउ

तनहुँ । अनलाइनमार्फत ठगी गर्ने एक महिलालाई  तनहुँ प्रहरीले पक्राउ गरेको छ।

जिल्ला प्रहरी कार्यालय तनहुँले मकवानपुरस्थित हेटौंडा-५ पिप्लेकी २२ वर्षीया आस्था थापालाई अनलाइनमार्फत ठगी गरेको अभियोगमा पक्राउ गरेको हो।

पक्राउ परेकी आस्थाले तनहुँको व्यास नगरपालिका-१ की सिर्जना खड्कालाई ह्वाटसएपबाट मेसेज गर्दै विदेशबाट मोबाइललगायत सामान विमानस्थलमा आएको छ भनी झुक्याएर ५ लाख रुपैयाँ ठगी गरेको तनहुँ प्रहरीले जानकारी दिएको छ।

तनहुँ प्रहरीले पक्राउ परेकीआस्थाविरुद्ध तनहुँ अदालतबाट म्याद थप गरी अनुसन्धान गरिरहेको जानकारी दिएको छ।