सर्पले टोकेर बर्दघाटकी एक युवतीको मृत्यु

बर्दघाट। सर्पले टोकेर पश्चिम नवलपरासीमा एक युवतीको मृत्यु भएको छ। आज बिहान ३ बजे बर्दघाट नगरपालिका-१४ की २० वर्षीया सोनिया खनाललाई सर्पले टोकेको जिल्ला प्रहरी कार्यालयले जानकारी दिएको छ।

प्रहरीका अनुसार पिसाब फेर्न शौचालय जाँदा उनको बायाँ खुट्टामा सर्पले टोकेको हो। सर्पले टोकेपछि उनको उपचारका लागि स्थानीय सरोज मेडिकल अस्पतालमा लगिएको थियो।

त्यहाँ सामान्य उपचारपछि जिल्ला अस्पताल परासी लगिएकोमा आज पौने ९ बजे चिकित्सकले मृत घोषणा गरेको पश्चिम नवलपरासीले जानकारी दिएको छ।