गाईसँग मोटरसाइकल ठोक्किँएर गम्भीर घाइते भएका नरेशको मृत्यु

कञ्चनपुर।  कञ्चनपुरमा मोटरसाइकल दुर्घटना गम्भीर घाइते भएका एक युवकको उपचारका क्रममा मृत्यु भएको छ।

जिल्लाको कृष्णपुर नगरपालिका-२ बनहरा पुल नजिक बिहीवार साँझ मोटरसाइकल दुर्घटनामा गम्भीर घाइते भएका शुक्लाफाँटा नगरपालिका-७ सिमलफाँटाका ३२ वर्षीय नरेश योगीको उपचारका क्रममा मृत्यु भएको प्रहरीले जानकारी दिएको छ।

बिहीवार साँझ बनहरा पुल नजिक सु.प.प्र. ०२  ००३ प ७६९२ नम्बरको मोटरसाइकल गाईसँँग ठोक्किँएर दुर्घटना भएको थियो। दुर्घटनामा भएर गम्भीर घाइते भएका चालक योगीलाई उपचारका लागि धनगढी लगिए पनि उपचार सम्भव नहुदा भारतको रुद्रपुरस्थित न्यूूरो अस्पतालमा लगिएको प्रहरीले जानकारी दिएको छ।

कृष्णपुरस्थित वाणी बजारमा साइकल पसल सन्चालन गर्दै आएका योगीको उपचारका क्रममा भारतमै मृत्यु भएको कञ्चनपुर प्रहरीले जानकारी दिएको छ।