बर्दियाका वरिष्ठ प्रहरी हवल्दार कृष्ण कटुवाल उत्कृष्ट कर्मचारी घोषित

बर्दिया । बर्दियाका प्रहरी वरिष्ठ हवल्दार कृष्णबहादुर   कटुवाल उतकृष्ट प्रहरी कर्मचारी घोषित भएका छन् । उत्कृष्ट कार्यसम्पादन गरेका इलाका प्रहरी कार्यालय मोतिपुरका बरिष्ठ हवाल्दार कटुवाल असार २०८१ को उत्कृष्ट कर्मचारी घोषित हुँदै पुरस्कृत भएका छन् ।

उनलाई जिल्ला प्रहरी कार्यालय बर्दियाका एसपी प्रवीण धितालले प्रसंंशापत्रसहित सम्मान गरेका हुन् । प्रहरी वरिष्ठ हवल्दार कटुवालले सांगठनिक निति निर्देशनको जिम्मेवारी  ईमान्दारी,अनुशासित तथा कर्तब्यनिष्ठ भएर पालन गर्दै विभिन्न मुद्दाका फरार प्रतिवादी पक्राउ गरेको बर्दिया प्रहरीले जनाएको छ।

साथै उनले बहुबिवाह मुद्दामा ११ महिना १५ दिन कैद सजाय भएको फरार प्रतिवादीलाई मिति २०८१ असार २ गते पक्राउ गरेका थिए भने  २०८१असार ७ गते ३३० मिलिग्राम ब्राउन सुगर र ३.८० मिलिग्राम चरेश तथा ६ थान मोबाईल र नगद  २१ हजार ३५० रुपैयाँसहित तीन जनालाई पक्राउ गरेका जिल्ला प्रहरी बर्दियाले जानकारी दिएको छ।

जिल्ला प्रहरी बर्दियाका अनुसार वरिष्ठ हवल्दार कटुवालले असार २३ गते नै चोरी भएका २ वटा स्मार्ट मोबाइलसहित एक जनालाई पक्राउ गरेका हुन् । त्यसैगरी उनले असार २१ गते ठक्कर दिएर फरार भएको एम्बुलेन्सलाई नियन्त्रणमा लिन सफल भएको बर्दिया प्रहरीले जनाएको छ।

बर्दियाका एसपी धितालले उतकृष्ट प्रहरी कर्मचारीबाट पुरस्कृत गर्दै प्रहरी वरिष्ठ हवल्दार कटुवाललाई अझै संगठनप्रति उत्तरदायी भएर लाग्न निर्देशन दिएका थिए।