पोखराको छोरेपाटनमा स्कुल बस दुर्घटना, एकको अवस्था गम्भीर

कास्की । विद्यार्थी सवार स्कुल बस दुर्घटना भएको छ। पोखराको छोरेपाटन पारी आज बिहान स्कुल बस दुर्घटना हुँदा एक जना गम्भीर घाइते भएका छन् ।

आज बिहान ८ः३० बजे ग१क ६२१९ नम्बरको बस पोखरा-२१ रामदीबाट बिरौटास्थित विद्यालयमा फर्कने क्रममा फुर्सेखोला नजिकै माथिल्लो सडकबाट पल्टिएर तल्लो सडकमा बजारिएको हो ।

बसमा सवार बस चालक र सहचालकसहित ३० जना जना सामान्य घाइते रहेको कास्की प्रहरीले जनाएको छ। प्रहरीका अनुसार आक बिहन मट्टीखान जाने बाटोमा बिरौटाको एलपी देवकोटा स्कुलको बस सडकबाट पल्टिएको कास्की प्रहरीले जानकारी दिएको छ।

दुर्घटनामा गम्भीर घाइते र सबै सामान्य घाइतेहरुलाई उपचारका लागि गण्डकी मेडिकल कलेज लगिएको प्रहरीले जानकारी दिएको छ।