ट्रकको ठक्करबाट भालुबाङमा एक व्यापारीको मृत्यु

दाङ । दाङको भालुबाङमा ट्रकले ठक्कर दिंदा एक जना  व्यापारीको मृत्यु भएको छ ।

आज पश्चिमबाट पूर्वतर्फ जाँदै गरेको सु.प.प्र ००१६ ख २७७९ नम्बरको ट्रकले लमही-भालुवाङ सडक खण्डको भालुवाङ पुल्चोकको तिनकुने चोकमा स्थानीय फलफूल व्यवसायी लोकप्रकाश भट्टराईको ट्रकको ठक्करबाट मृत्यु भएको जिल्ला प्रहरी दाङले जानकारी दिएको छ ।

राप्ती गाउँपालिका वडा नम्बर १ भालुवाङ पुल्चोकमा फलफूलको व्यापार गर्दै आएका ५० वर्षीय भट्टराईलाई बाटो काट्ने क्रममा ट्रकले ठक्कर दिएको प्रहरीले जनाएको छ। प्रहरीका अनुसार उनको घटनास्थलमै मृत्यु भएको हो।

मृतकका आफन्तले दोषीमाथि कारवाही र मृतक परिवारलाई उचित क्षतिपूर्तिको माग राख्दै पूर्व-पश्चिम राजमार्ग बन्द गरेका छन् । राजमार्ग बन्द हुँदा भालुवाङ तनावग्रस्त बनेको छ । ठक्कर दिने गाडी र चालकलाई प्रहरीले नियन्त्रणमा लिएर अनुसन्धान अगाडि बढाएको जनाएको छ।