लमजुङ पहिरो घटना अपडेट: बेपता भएका चारै जनाको मृत्यु

लमजुङ । लमजुङको क्व्होलासोथर गाउँपालिका ३ मा पहिरोले घर बगाउँदा पुरिएर बेपत्ता भएका ४ जनाकै मृत्यु भएको अवस्थामा शव फेला परेको छ ।

बगुमस्थित पच्युटोलमा आज बिहान पहिरोले तीन घर बगाउँदा ४ जनाको मृत्यु भएको प्रहरीले जनाएको छ ।

स्थानीय रूद्रमान गुरुङ, पञ्चकुमारी गुरुङ र गाउँपालिकाका योजना शाखा प्रमुख चित्र घलेको घर पहिरोले बगाएको छ । 

पहिरोमा परी ६९ वर्षीय रूद्रमान गुरुङ, ३६ वर्षीय पञ्चकुमारी गुरुङ, उनका दुई छोरीहरू ७ वर्षिया ईच्छा गुरुङ र ५ वर्षिया नम्रता गुरूङको मृत्यु भएको प्रहरीले जनाएको छ ।