नेपालगन्जबाट बोलेरो गाडीसहित १६ सय किलो चिनी बरामद

बाँके । जिल्ला प्रहरी कार्यालय बाँकेले १६ सय किलो चिनी र  एउटा बोलेरो गाडीसहित चालकलाई नियन्त्रणमा लिएको छ। 

बाँके प्रहरीका अनुसार बिहिवार नेपालगन्ज-४ बसपार्कबाट अवैध रुपमा भारतबाट नेपाल भित्र्याइएको ९६ हजार रुपैयाँको १६ किलो चिनीसहित ढुवानीमा प्रयोग गरिएको लु१च ६९७० नम्बरको ७ लाख रुपैयाँ बराबरको बोलेरो गाडी नियन्त्रणमा लिएको हो।

त्यस्तै प्रहरीको टोलीले १ लाख १७ हजार ६ सय रुपैयाँ बराबरको ८४ पेटी खाने तेलसमेत बरामद गरेको जनाएको छ। 

प्रहरीले नियन्त्रणमा लिएको चालक र बरामद गरिएका ९ लाख १३ ६ सय रुपैयाँको सबै अवैध सामाग्रीलाई आबश्यक कारबाहीका लागि नेपालगन्ज भन्सार कार्यालय बुझाएको जिल्ला प्रहरी बाँकेले जानकारी दिएको छ।