खैरो हेरोइनसहित लमहीबाट भारतीय नागरिकसहित ४ जना पक्राउ

दाङ  । दाङ प्रहरीले लमही बजारबाट खैरो हेरोइनसहित चार जनालाई पक्राउ गरेको छ।

लमही प्रहरीले लमही नगरपालिका-५ स्थित मालपोत कार्यालय रोडबाट खैरो हेरोइनसहित  दाङका  २२ वर्षीय रवि रसाईली, २५ वर्षीय आकाश रोका मगर, ३६ वर्षीय अब्दुल जम्बार रङरेज र २२ वर्षीय भारतीय नागरिक गुलाम मुस्ताफालाई पक्राउ गरेको जिल्ला प्रहरी कार्यालय दाङले जनाएको छ।

प्रहरीले पक्राउ परेकाहरुको साथबाट १२० मिलिग्राम खैरो हेरोइन बरामद गरेको जनाएको छ। खैरो हेरोइन किनबेच भइरहेको सूचना पाएर गएको प्रहरी टोलीले  उनीहरुलाई पक्राउ गरेको हो।

दाङ प्रहरीले पक्राउ परेकाहरुमाथि जिल्ला अदालत दाङबाट १० दिनको म्याद लिएर अनुसन्धान सुरु गरेको जानकारी दिएको छ।