काठमाडौंको आलोकनगरमा धनगढीका युवकमाथि खुकुरी प्रहार, ३ जना पक्राउ

काठमाडौं । काठमाडौंको आलोकनगरमा एक युवकमाथि  खुकुरी प्रहार गर्ने तीन जनालाई प्रहरीले पक्राउ गरेको छ।

काठमाडौं महानगरपालिका-३१ आलोकनगरस्थित सौराहा होटेल नजिकै धनगढी घर भएर हाल आलोकनगर बस्दै आएका २२ वर्षीय मनत केसीमाथि खुकुरी प्रहार भएको जिल्ला प्रहरी परिसर काठमाडौंले जनाएको छ।

प्रहरीले केसीमाथि खुकुरी प्रहार गर्ने सिन्धुली घर भई हाल आलोकनगर बस्ने १८ वर्षीय अनिष मगर, दैलेखका २६ वर्षीय कुमार पण्डित र दार्जुला घर भई गोठाटार बस्ने १९ वर्षीय प्रेम सिंह महरालाई पक्राउ गरेको जानकारी दिएको छ।

प्रहरीका अनुसार खुकुरी प्रहार गर्ने समूह र केसीबीच बिबाद हुँदा आइतबार दिउँसो खुकुरी प्रहार भएको थियो। उक्त खुकुरी प्रहारबाट केसीको दाहिने हातको औंला पूर्ण रुपले क्षेति भएको परिसरले जनाएको छ।

नयाँ बानेश्वर प्रहरीले उक्त घटनाबारे थप अनुसन्धान गरिरहेको जिल्ला प्रहरी परिसरले जनाएको छ।