स्कुटर दुर्घटनामा छोराको मृत्यु, आमा गम्भीर घाइते

रुपन्देही । रुपन्देहीमा मोटरसाइकल र स्कुटर एकआपसमा ठोक्किँदा एक युवकको मृत्यु भएको छ।

जिल्लास्थित पूूर्व-पश्चिम राजमार्गको बुटवल बेलबासमा आज मोटरसाइकल र स्कुटर ठोक्किँएको प्रहरीले जनाएक्प छ। उक्त दुर्घटनामा अन्य दुई जना घाइते भएका छन् ।

आज बेलबास चोकमा लु ८५ प ३१३३ नम्बरको स्कुटर र विपरीत दिशाबाट आउँदै गरेक्प लु १९ प ८८७५ नम्बरको मोटरसाइकल ठोक्किँएर बुटवल उपमहानगरपालिका-१३ का २३ वर्षीय अंंकित पाठकको मृत्यु भएको रुपन्देही प्रहरीले जानकारी दिएको छ। प्रहरीका अनुसार गम्भीर घाइते भएका स्कुटर चालक पाठकको उपचारका क्रममा लुम्बिनी प्रादेशिक अस्पताल बुटवलमा मृत्यु भएको हो।

दुर्घटनामा स्कुटरको पछाडि सवार  मृतक पाठककी ४३ वर्षीया आमा गौमुखी पाठक गम्भीर घाइते भएको प्रहरीले जनाएको छ। 

त्यस्तै कपिलवस्तुको वाणगंंगा घर भएका मोटरसाइकल चालक १८ वर्षीय सागर थारु पनि घाइते भएका छन् । मृतक पाठककी आमा र सागरको लुम्बिनी प्रादेशिक अस्पतालमा उपचार भइरहेको जिल्ला प्रहरी कार्यालय रुपन्देहीले जनाएको छ।