ब्राउन सुगरसहित लमहीबाट दुई युवती पक्राउ

काठमाडौं । दाङ प्रहरीले लमहीबाट दुई युवतीलाई ब्राउन सुगरसहित पक्राउ गरेको छ। 

प्रहरीको टोलीले लमही नगरपालिका-४ अर्नहवाकी २४ बर्षीया श्रृजना कँवर र २० बर्षीया कौशिला कुमाललाई ब्राउन सुगरसहित पक्राउ गरेको हो।

गोप्य सूचनाका आधारमा गएको प्रहरीले कँवरको कोठा तलासी गर्ने क्रममा १३० मिली ग्राम ब्राउन सुगर बरामद गरेको जिल्ला प्रहरी कार्यालय दाङले जानकारी दिएको छ।

जिल्ला प्रहरी कार्यालय दाङले पक्राउ परेकाहरुसँँग थप अनुसन्धान गरिरहेको जनाएको  छ ।