काठमाडौंको कपनबाट जुवा खेल्दै गरेका ९ जना पक्राउ

काठमाडौं । काठमाडौंको कपनबाट जुवा खेलिरहेको अवस्थामा ९ जनालाई पक्राउ गरेको छ।

काठमाडौं प्रहरीले काठमाडौको कपनस्थित सरस्वतीनगरबाट जुवा खेल्दै गरेको अवस्थामा उदयपुर ताप्ली गाउँपालिका-१ घर भएका  ५० वर्षीय उद्दव राज हमालको सरस्वतीनगरस्थित कोठाबाट ९ जनालाई पक्राउ गरेको हो।

प्रहरीले सिन्धुपाल्चोकको मेलम्ची नगरपालिका-१२ घर भएका ४१ वर्षीय बद्री पौडेल समेत ९ जनालाई  पक्राउ गरेको जनाएको छ।

जिल्ला प्रहरी परिसर काठमाडौंका अनुसार प्रहरी प्रभाग कपनबाट खटिएको प्रहरीले उनीहरूलाई नगद ३९ हजार ७ सय २५ रूपैयाँ र ३ बुक तास सहित पक्राउ गरेको हो । 

प्रहरीले पक्राउ परेकाहरुसँँग थप अनुसन्धान गरिरहेको जानकारी दिएको छ।