रक्सी खाँदा चिर्पटले हानेर डिलबहादुरको हत्या, श्रीमान-श्रीमतीसहित ३ पक्राउ

खलंगा । रुकुम पश्चिममा एक जनाको  हत्या आरोपमा प्रहरीले श्रीमान-श्रीमतीसहित तीन जनालाई पक्राउ गरेको छ ।

जिल्लाको त्रिवेणी गाउँपालिका-४ दम्दुका ४३ वर्षीय डिलबहादुर बुढाको शव सोही वडाको कल्टाकुरा गाउँका ६१ बर्षीय मोहबीर खत्रीको घरमा सोमबार बिहान फेला परेको थियो । डिलबहादुरको हत्या गरेको आशंकामा प्रहरीले मोहबीरका छोरा २६ वर्षीय सन्तोष केसी र बुहारी २४ वर्षीया मिना बुढाथोकी केसी पक्राउ गरेको जनाएको छ ।

मिनाले रक्सी खाँदा आँफुलाई डिलबहादुरले अपशब्द प्रयोग गरेको हुँदा चिर्पटले टाउकोमा प्रहार गर्दा उनको मृत्यु हुन गएको बयान प्रहरी समक्ष गरेकी छन ।

बुढाको हत्या आइतार बेलुका नै भएको प्रहरीको अनुमान छ । सोमबार मात्रै स्थानीयको सूचना पछि प्रहरी घटनास्थल पुगेको थियो ।घटनाबारे थप अनुसन्धान हुन बाँकी रहेको प्रहरीले जानकारी दिएको छ ।