पेस्तोलसहित ६२ वर्षीय पुरुष पक्राउ

अर्जुनधारा। प्रहरीले कटुवा पेस्तोलसहित एक जनालाई पक्राउ गरेको छ।

जिल्ला प्रहरी झापाको टोलीले जिल्लास्थित अर्जुनधारा नगरपालिका-४ दहीझोडाबाट ६२ वर्षीय इन्द्रबहादुर आङ्देम्बेलाई कटुवा पेस्तोलसहित पक्राउ गरेको जनाएको छ।

इन्द्रबहादुरले कुखुरा खोरमा एक थान कटुवा पेस्तोल लुकाएर राखेको भन्ने सूचना पाएर गएको झापा प्रहरीले सोही स्थानबाटै पेस्तोल बरामद गरेको हो।

इलाका प्रहरी कार्यालय अनारमनीले घटनाबारे थप अनुसन्धान सुरु गरेको जिल्ला प्रहरी कार्यालय झापाले जनाएको छ।