श्रीमतीको हत्या आरोप पक्राउ परे श्रीमान

खोटाङ । ललितपुर प्रहरीले श्रीमतीको हत्या आरोपमा श्रीमानलाई पक्राउ गरेको छ।

३५ वर्षीया श्रीमती शशीकला राईलाई हत्या गरेको आरोपमा खोटाङ दिप्रुङ्चुङमा गाउँपलिका-७ घर भएर हाल ललितपुर बस्दै आएका ३३ वर्षीय भक्तिराज राईलाई पक्राउ गरेको जनाएको छ।

प्रहरीले दिएको जानकारी अनुसार शशीकला भदौ १२ गते ललितपुर महानगरपालिका-२४ धापाखेल नखुडोलमा आफ्नै कोठामा मृत फेला परेकी थिइन् । प्रहरीले गरेको अनुसन्धानका क्रममा शशीकलाकै श्रीमान भक्तिराजले हत्या गरेको पाइएपछि उनलाई पक्राउ गरिएको ललितपुर प्रहरीले जानकारी दिएको छ।

शशीकलाका श्रीमान भक्तिराजलाई प्रहरी वृत्त सातदोबाटोको हिरासतमा राखेर थप अनुसन्धान भइरहेको जिल्ला प्रहरी परिसर ललितपुरले जनाएको छ।