ललितपुरको कल सेन्टरमा सीआईबीको छापा, ५० जना पक्राउ

ललितपुर । नेपाल प्रहरीको केन्द्रीय अनुसन्धान ब्युरो (सीआईबी) ले फिलिपिनी र चिनियाँ नागरिकले ललितपुरको सानेपामा सञ्चालन गरेको कलसेन्टरमा छापा मार्दै ५० जनालाई पक्राउ गरेको छ।

सीआईबीले छापा मारेर एक जना फिलिपिनी र २ चिनियाँ नागरिकसहित ५० जनालाई पक्राउ गरेको जनाएको छ।

उक्त कल सेन्टरमा अनलाइन जुवा लगायत क्रिप्टो कारोबार हुने गरेको विशेष सूचनाका आधारमा सीआईबीले गएराति छापा मारेको हो।

पक्राउ परेकाहरुसँँग थप अनुसन्धान भइरहेको सीआईबीले जानकारी दिएको छ।