सवारी ज्यान मुद्दामा फरार रहेका श्याम १८ वर्षपछि पक्राउ

काठमाडौं । प्रहरीले सवारी ज्यान मुद्दाका एक फरार प्रतिवादीलाई १८ वर्षपछि पक्राउ गरेको छ। 

प्रहरीले फरार रहेका ललितपुरस्थित महालक्ष्मी नगरपालिका-६ लुभुका ३९ वर्षीय लिलेन्द्र श्रेष्ठ 'श्याम' लाई ललितपुरबाट पक्राउ गरेको जनाएको छ।

२०६२ सालमा जिल्ला अदालत काठमाडौंले सवारी ज्यान मुद्दामा ११ महिना ५ दिन जेल सजाय फैसला सुनाएयता फरार रहँदै आएका श्यामलाई उपत्यका अपराध अनुसन्धान कार्यालयले पक्राउ गरेको हो।

पक्राउ परेका श्यामलाई जिल्ला अदालत काठमाडौंमा उपस्थित गराइएको अपराध अनुसन्धानका एसपी काजीकुमार आचार्यले बताए।