८६ फरार प्रतिवादी पक्राउ

कास्की । भदौ महिनामा ८६ जना फरार प्रतिवादीलाई जिल्ला प्रहरी कास्कीले पक्राउ गर्न सफल भएको छ । पक्राउ पर्नेमा ६३ जना पुरुष र २३ जना महिला रहेका छन्।

कास्की प्रहरीकल्का अनुसार पक्राउ पर्नेमा चेक अनादर मुद्दाका ५२ जना, लागूऔषध मुद्दाका नौ, बैंकिङ कसुर मुद्दाका ६ जना छन् ।

यसैगरी चोरीसम्बन्धी १ जना, अपहरण तथा शरीर बन्धक मुद्दामा १ जना, हातहतियार तथा खरखजना मुद्दामा १ जना, नागरिकता तथा छाप दस्तखत किर्तेमा १ जना, राष्ट्रिय वन क्षेत्रमा रुख कटान गरी फडानीमा २ जना, बाल यौन दुरुपयोगमा २ जना, अभद्र व्यवहार मुद्दामा ३ जना, लेनदेन मुद्दामा ३ जना, सवारी ज्यान मुद्दामा २ जना र जालसाझी मुद्दामा ३ जनालाई पक्राउ गरिएको कास्की प्रहरीले  जानकारी दिएको छ ।

उनीहरु सबैलाई फैसला कार्यान्वयनको अदालतमा बुझाइएको उनले बताए ।

प्रतिवादीबाट ४६ लाख ४२ हजार जरिवाना र जेल सजाय गर्न अदालतले फैसला गरेको छ ।