सुर्खेतबाट ब्राउन सुगरसहित तीन युवक पक्राउ

सुर्खेत । सुर्खेत प्रहरीले ब्राउन सुगरसहित तीन जनालाई पक्राउ गरेको छ। जिल्ला प्रहरी कार्यालय सुर्खेतबाट खटिएको टोलीले शुक्रबार राति वीरेन्द्रनगर नगरपालिका-८ सिमलचोकबाट ब्राउन सुगरसहित सुर्खेतकै तीन युवकलाई पक्राउ गरेको हो।

प्रहरीका अनुसार पक्राउ पर्नेमा भेरीगंगा नगरपालिका-२ का २४ वर्षीय मिसन सुनार, वीरेन्द्रनगर-११ का १९ वर्षीय रोशन सुनार र सोही वडाकै २३ वर्षीय पवन खत्री रहेका छन् ।

चेकजाँचका क्रममा मिसनको साथबाट २ पुडिया शुद्वतौल १ सय मिलिग्राम र  ३ हजार नगद, रोशनको साथबाट १ पुडिया ४० मिलिग्राम ब्राउन सुगर ,१३ हजार नगद र  पवनको साथबाट ३  हजार नगद  बरामद गरेको जिल्ला प्रहरी कार्यालय सुर्खेतले जनाएको छ। 

प्रहरीले तीनै जनाविरुद्ध लागु औषध ऐनमा अनुसन्धान गरिरहेको जानकारी दिएको छ।