चट्याङ लागेर २४ वर्षीया युवतीको मृत्यु
निसीखोला । बागलुङमा चट्याङ लागेर एक युवतीको मृत्यु भएको छ। जिल्लास्थित निसीखोला गाउँपालिका(-३ किटनीकी २४ वर्षीया रजना बुढाको गतराति चट्याङ लागेर मृत्यु भएको छ ।
आफ्नै घरभित्र बसिरहेको अवस्थामा चट्याङ पर्दा गएराति उनको मृत्यु भएको जिल्ला प्रहरी कार्यालय बागलुङका प्रहरी नायब उपरीक्षक विजय यादवले जानकारी दिए ।
उनका अनुसार स्थानीयले इलाका प्रहरी कार्यालय झिवाखोलामा राति १ बजे खबर गरेका थिए ।
चट्याङ परेको खबर पाएलगत्तै प्रहरी वरिष्ठ हवल्दार केशव बुढाथोकीको कमाण्डमा दुई जना प्रहरी टोली घटनास्थलमा गएर उद्धार गरेको उनको भनाइ छ ।
थप अनुसन्धानका लागि इलाका प्रहरी कार्यालय बुर्तिबाङबाट प्रहरी निरीक्षक आनन्द बस्नेतको कमाण्डमा सात जनाको प्रहरी टोली खटिएको उनले जानकारी दिए ।
बुढाको शव परीक्षणका लागि बुर्तिबाङ प्राथमिक स्वास्थ्य केन्द्रमा ल्याइएको छ ।
चट्याङका कारण बुढाको घर र विद्युतीय सामग्रीमा क्षति पुगेको छ । बुढाकी सासू र दुई वर्षीया छोरी भने सकुशल रहेको जनाइएको छ ।
भक्तपुरको बालकोटमा बाबुछोरा मृत भेटिए, हत्याको आशंका
सोमबार, पुस ८, २०८१
खोला किनारमा टिकटक बनाउँदा होसियार: नर्स र विद्यार्थीको गयो ज्यान
आइतबार, पुस ७, २०८१
मृत्युको विषयलाई लिएर मृतकका आफन्तले पारे घोराही-तुलसीपुर सडक अवरुद्ध
शनिबार, पुस ६, २०८१
