नेभिगेशन
सुरक्षा अपडेट

बाँकेको बैजापुरमा दुईवटा मोटरसाइकल ठोक्किँए, एक जनाको मृत्यु,अर्का एक घाइते

बाँके  । बाँकेमा मोटरसाइकल दुर्घटना हुँदा एक जनाको मृत्यु भएको छ । अर्का एक जना घाइते भएका छन् ।

राप्तीसोनारी गाउँपालिकाको अगैया-फत्तेपुर सदक खण!अन्तर्गत बैजापुरमा आज मध्यान्ह दुई वटा मोटरसाइकल एक आपसमा जुध्दा नेपालगञ्ज उपमहानगरपालिका वडा नम्बर १९ आलानगरका ३९ बर्षीय लोक बहादुर बन्शी मगरको मृत्यु भएको हो । गम्भीर घाइते बन्शी मगरलाई अस्पताल पुर्याइए लगत्तै चिकित्सकले मृत घोषणा गरेका थिए ।

जिल्ला प्रहरी कार्यालय बाँकेका अनुसार विपरीत दिशाबाट आइरहेका भे ७ प ४३४० नम्बरको मोटरसाइकल र अर्को एक मोटसाइकल ठोक्किँदा राप्तीसोनारी ६ छट्कपुर बस्ने २९ बर्षीय राधेश्याम थारु घाइते हुनुभएको छ । थारुको नेपालगञ्ज मेडिकल कलेज शिक्षण अस्पताल नेपालगञ्जमा उपचार भइरहेको प्रहरीले जनाएको छ । दुबै जना मोटरसाइकल चालक हुन् ।

उक्त सडक खण्डको बैजायुर नजिक असोज २ गते दुई वटा मोटरसाइकल ठोक्किँदा ३ जनाको मृत्यु हुँदा १ जना घाइते भएका थिए।

प्रकाशित मिति:
प्रतिक्रिया दिनुहोस्