दुई सवारीसाधन एकआपसमा ठोक्किँए, दुबै चालकको मृत्यु, एक घाइते

सुदूरपश्चिम। कैलालीमा दुईवटा सवारीसाधन ठोक्किँदा दुई जनाको मृत्यु हुँदा एक जना घाइते भएका छन् ।

कैलालीको पूर्वपश्चिम राजमार्ग अन्तरगत गौरीगंगा नगरपालिका-१ गोप्कामा पश्चिमबाट पूर्वतर्फ गइरहेको से६ प६२७९ र विपरीत दिशाबाट आइरहेको बा९५प९२५२ नम्बरको मोटरसाइकल एकआपसमा ठोक्किंदा दुवै मोटरसाइकल चालकहरुको मृत्यु भएको जिल्ला प्रहरी कार्यालय कैलालीले जानकारी दिएको छ।

प्रहरीका अनुसार उक्त दुर्घटनामा जिल्लास्थित जानकी गाउँपालिका-८ का २० वर्षीय निर्मल चौधरी र कञ्चनपुरको शुक्लाफाँटा नगरपालिका-७ का २६ वर्षीय चिरञ्जीवी मल्लको मृत्यु भएको  हो।

प्रहरीले दिएको जानकारी अनुसार मृतक  चौधरी से६प ६२७९ नम्बरको चालक र मल्ल बा९५प ९२५२ नम्बरको मोटरसाईकलका चालक हुन् । मोटरसाइकल ठोक्किँएर दुर्घटनामा गम्भीर घाइते भएका दुवै चालकको गए राति नै मृत्यु भएको प्रहरीले जनाएको छ। उनीहरु दुबै जनाको धनगढीस्थित नवजीवन अस्पतालमा मृत्यु भएको हो।

त्यसैगरी  बा९५प ९२५२ नम्बरको मोटरसाइकलको पछाडि बसेका कञ्चनर शुक्लाफाँटा नगरपालिका- ७ बने २२ वर्षीया दिपक बोहोरा घाइते भएको प्रहरीले जनाएको छ । बोहराको धनगढीस्थित नवजीवन अस्पतालमै उपचार भइरहेको प्रहरीले जानकारी दिएको छ।