दाङमा १६ वर्षीया किशोरलाई बलात्कार गरेको आरोपमा अनिल पक्राउ

लमही । दाङमा १६ वर्षीया किशोरीलाई बलात्कार गरेको आरोपमा प्रहरीले एक युवकलाई पक्राउ गरेको छ।

जिल्लास्थित गढवा गाउँपालिका-२ का २५ वर्षीय अनिल विश्वकर्मालाई बलात्कारको आरोपमा पक्राउ गरेको जिल्ला प्रहरी दाङले जानकारी दिएको छ।

प्रहरीका अनुसार पक्राउ परेका अनिलले ती किशोरीलाई आबश्यक काम छ भनेर घरमै बोलाएर जबरजस्ती बलात्कार गरेको पीडितको जाहेरीमा उल्लेख गरिएको छ।

घटनाबारे थप अनुसन्धान सुरु गरिरहेको प्रहरीले आज अनिललाई म्याद थपका लागि जिल्ला अदालत घोराही उपस्थित गराउने जनाएको छ।