श्रोत नखुलेको पौने १२ लाख रुपैयाँसहित अली पक्राउ

महोत्तरी । महोत्तरी प्रहरीले श्रोत नखुलेको पौने १२ लाख रुपैयाँसहित एक जनालाई पक्राउ गरेको छ। 

जिल्ला प्रहरी कार्यालय महोत्तरी र प्रहरी चौकी ईटहर्वाकटटीबाट खटिएको टोलीले मनरासिस्वा नगरपालिका-२ भोल्ही चोकबाट श्रोत नखुलेको ११ लाख ८१ हजार ३ सय रुपैयाँसहित सोही गाउँपालिका-६ बस्ने एक जनालाई पक्राउ गरेको हो।

महोत्तरी प्रहरीका अनुसार पक्राउ पर्नेमा ४२ वर्षीय शेष हसमत अली रहेका छन् । प्र-२-०२-००५ प ५९९५ नम्बरको मोटरसाइकलमा सवार अलीलाई चेकजाँज गर्ने क्रममा उक्त श्रोत नखुलेको रकम फेला परेको प्रहरीले जनाएको छ।

उक्त रकम बरामद भएपछि अलीले श्रोत खुलाउन नसक्दा नियन्त्रणमा लिएको महोत्तरी प्रहरीले जानकारी दिएको छ । प्रहरीले अलीलाई हिरासतमा लिएर थप अनुसन्धानमा जुटिरहेको जनाएको छ।