घनले टाउकोमा लागेका प्रेमबहादुरको घटनास्थलमै मृत्यु, सुरेश पक्राउ

स्याङ्जा । आरनमा काम गर्नेमा घनले हानेर ५८ वर्षीय पुरुषको हत्या आरोपमा एक युवक पक्राउ परेका छन् ।

स्याङ्जाको हरिनाश गाउँपालिका- ४ बाङ्गेश्वराका ३२ वर्षीय सुरेश थापालाई सोही ठाँउका ५८ वर्षीय प्रेमबहादुर कामीको हत्या आरोपमा स्याङ्जा प्रहरीले जानकारी दिएको छ।

मंगलबार बिहान हत्या गरेर फरार रहेका थापालाई पक्राउ गरेर जिल्ला प्रहरी कार्यालय ल्याइएको जिल्ला प्रहरी कार्यालय स्याङ्जाले जनाएको छ।

प्रहरीका अनुसार घनले टाउकोमा लागेर प्रेमबहादुरको घटनास्थलमै मृत्यु भएको थियो। स्याङ्जा प्रहरीले पक्राउ परेका थापासँग घटनाबारे थप अनुसन्धान गरिरहेको जनाएको छ।