दाङको गढवामा युवतीमाथि सामूहिक बलात्कार,४ जना पक्राउ

लमही (दाङ)। दाङमा एक युवतीमाथि सामूहिक बलात्कार भएको छ। दाङको गढवामा १९ बर्षीया एक युवतीलाई सामूहिक बलात्कार गरेको आरोपमा प्रहरीले ४ जनालाई पक्राउ गरेको छ।

ती  युवतीलाई बिहेको प्रलोभन पारी सुरुमा गढवा गाउँपालिका -५ चैनपुरका १९ बर्षीय किरण चौधरीले एकलास ठाउँको कोही मानिस नबस्ने खाली घरमा बोलाएका थिए । उनीहरु बिगत दुई बर्षदेखि प्रेम सम्बन्धमा थिए ।

किरण चौधरीले बुधबार बेलुकी बिवाह गर्ने सर्तमा ती आफ्नी प्रेमीकालाई आफ्नो वडाको मंघरस्थित ह्युम पाइप बनाउने कम्पनीको खाली घरमा बोलाएका थिए । किरणले फोन गरि हाल बन्द अवस्थामा रहेको ते घरमा बिहे गर्ने भन्दै बोलाएपछि प्रेमीका पुगेकी थिइन ।

सोही दिन बिहे गर्ने भन्दै प्रलोभनमा पारेर सुरुमा उनले फकाएर शारीरिक सम्बन्ध राखेका थिए । तर, त्यसपछि सोही घरमा लुकेर बसेका अरु तीन जनापनि त्यसपछि पालै पालै पालो उनीमाथि बलात्कार गरेको खुलेको छ ।

अन्य तीन जनामा गढवा -५ मंघरका २४ को सन्जित चौधरी, सोही ठाउँका १९ बर्षीय धिरज चौधरी र २१ बर्षीय सन्दिप चौधरी थिए । उनीहरु चारै जनालाई प्रहरीले पक्राउ गरि सकेको छ ।

किरणले सुरुमा बिहेको प्रलोभनमा पारी जोर जवरजस्ती गरेपछि उनीमाथि अन्य तीन जनालेपनि पालैपालो सामुहिक बलात्कार गरेको कुरा प्रारम्भीक अनुसन्धानबाट खुलेको जिल्ला प्रहरी प्रबक्ता डिएसपी इश्वर थापाले जानकारी दिएका छन् ।

प्रहरीले उक्त घटनाबारे थप अनुसन्धान गरिरहेको जनाएको  छ ।