बाढीपहिरोमा अझै १८ जना बेपत्ता

काठमाडौं । अघिल्लो हप्तामा लगातार तीन दिनको वर्षाका कारण आएको बाढीपहिरोमा परी अझैसम्म १८ जना बेपत्ता रहेका छन् ।

उक्त बाढीपहिरोमा हालसम्म  २३९ जनाको मृत्यु भएको छ । अन्य १ सय ७८ जना घाइते भएका गृह मन्त्रालयका प्रवक्ता ऋषिराम तिवारी जानकारी दिए । 

हालसम्म बाढीपहिरो प्रभावित क्षेत्रबाट १७ हजार एक सय २० जनाको उद्धार गरिएको छ भने सहायता परिचालन र अवरुद्ध राजमार्गको मर्मत गरी यातायात सञ्चालन गर्न  प्रयास भइरहेको प्रवक्ता तिवारीले जानकारी दिए ।