प्रहरी अस्पतालकी एक जना डाक्टर वैशाखदेखि सम्पर्कविहीन

काठमाडौं । नेपाल प्रहरीतर्फकी एक जना प्राविधिक अधिकृत सम्पर्कविहीन भएकी छिन् । प्रहरी अस्पताल महाराजगन्जस्थित रेडियोलोजी विभागको ओपिडी शाखामा कार्यरत डा.शिवानिस सिंह गत वैशाखदेखि सम्पर्कविहीन भएकी छिन् ।

सिंहले ४ दिनका लागि भैपरी आउने बिदा लिएर १४ दिन घर बिदा लिएकी थिइन् । त्यसपछि दगातार दुई महिना घर बिदा लिएर बिदा भुक्तान गरेपछि उनी अहिलेसम्म हाजिर नभएको गृहमन्त्रालयले जानकारी दिएको छ।

वैशाखदेखि बिदा बसेकी उनी सूचना जारी गर्दा पनि सम्पर्कमा नआएपछि गृहमन्त्रालयले स्पष्टीकरणसहित उपस्थित हुन पुन सूचना जारी गरेको छ ।

यसपटक पनि उपस्थित नभए प्रहरी नियमावली अनुसार भविष्यमा सरकारी सेवाको लागि अयोग्य हुने गरी सेवाबाट हटाइने गृह मन्त्रालयले जनाएको छ।