ट्राफिक प्रहरीद्वारा चोरी भएका २६ मोटरसाइकल र स्कुटर फेला पारी धनीलाई हस्तान्तरण
काठमाडौं। चोरी भएका मोटरसाइकल र स्कुटर फेला पारेर सम्बन्धित सवारी धनीलाई उपत्यका ट्राफिक प्रहरी कार्यालयले बुझाएको छ।
ट्राफिक प्रहरीले विभिन्न समयमा हराएका २६ वटा मोटरसाइकल र स्कुटर फेला पारी धनीलाई हस्तान्तरण गरिएको उपत्यका ट्राफिक प्रहरी कार्यालयले जानकारी दिएको छ ।
आज ट्राफिक प्रहरी प्रमुख डीआईजी भारतबहादुर बोहराले १६ वटा मोटरसाइकल र १० वटा स्कुटर सम्बन्धित सवारीधनीलाई हस्तान्तरण गरेका हुन् ।
ट्राफिक प्रहरीले चोरी भएका ती मोटरसाइकल र स्कुटरलाई काँडाघारी, सानोथिमी, नरेफाँट, बालकुमारी, गौरीघाट,भिमसेनगोला महाराजगन्ज, बुढानीलकण्ठ, नेपालटार, ठमेल र कलंकीबाट फेला पारको थियो ।
ट्राफिक प्रहरीले उपत्यकाबाट साउन महिनायता चोरी भएका १४१ वटा दुईपांग्रे सवारीसाधनलाई फेला पारेर धनीलाई हस्तान्तरण गरिएको उपत्यका ट्राफिक प्रहरी कार्यालयले जानकारी दिएको छ ।
सिरहामा सडक दुर्घटनाको संख्या घटे पनि मृतकको संख्यामा वृद्धि
बुधबार, पुस ३, २०८१
सुर्खेतमा ट्राफिक प्रहरीले गर्यो राजमार्गमै सवारीसाधनको मेकानिकल जाँच
सोमबार, मंसिर १७, २०८१
